Maana dɨnə Aba cɨmə Mãr̰ĩ bɨw gɨ Jonas

Auto advance

Maktubu dɨ ka dwar̰ɨ

Jonas i aba cɨmə Mãr̰ĩ bɨw. Me dusɨw wun ya dɨnə Mãr̰ĩ duwa de bədə! Mana gɨ Mãr̰ĩ wayɨw ba an̰ju ba hana waynagɨ nare nə ciri dɨ Ninib lə gwale mwom da, an̰ji wà daa. Me wà dara na mo? Jonas i gun gɨ Israyel me, nare nə Ninib i woni mar̰ande day. An̰ji ùr dara Mãr̰ĩ ba àlnagɨ̀ wamani me kalna dusɨw hɨlalna dɨdəgɨ lə bədə.

Ta di me, an̰ji nagɨ mana gɨ bɨrwa gɨ gecheyə dara hára nɨm bam hən̰ gɨ Ninib di. (Dara cilanga gɨ kuray gɨ geche da, nare nə wála gɨ ta dɨ lə di pɨl bɨrwa gɨ geche gɨ nem laya nare nan̰ me mani day nə kenge nan̰ me ca.) Me Mãr̰ĩ kal Jonas nem wàa daa bədə. ꞌYan̰a lə da, an̰ji yɨ gwale gɨnə Mãr̰ĩ duwa me ha ála berni mana gɨ Ninib. Nare nə Ninib co dɨrəgɨ Mãr̰ĩ dɨwə me, Mãr̰ĩ àlgɨ wamani bədə me. Mwom da, Jonas dusɨw mendɨ Mãr̰ĩ dɨwə.

Maana dɨnə Jonas duwa da, gɨlndɨ dara dusi dɨ lade dɨnə Mãr̰ĩ duwa da, ꞌyen̰ gɨ nare nə Israyel mɨra bədə. An̰ji ùr i nare pad, ùr ba a kal dusɨw hɨlal mana gɨ nare nə cwara i gɨdawə me kal àcn̰a day bam di.

Gwale gɨ mana gɨ maktubu dwar̰ɨ lə

Jonas gɨn̰ Mãr̰ĩ bɨw bam (chapitɨr 1)
Jonas amsɨ Mãr̰ĩ mana gɨ dòche nudəwə (chapitɨr 2)
Jonas àl berni mana gɨ Ninib (chapitɨr 3)
Jonas dusɨw so me Mãr̰ĩ ɨr̰in̰ɨw (chapitɨr 4)

Ɨrmə dan ina lə, labaa gwale gɨ ùrə ina lə da, giynənin nɨm

Mə ha nyama wayanin gwale gɨnə Mãr̰ĩ gɨ mə yɨw dɨmmə laba di le mo?

Dóche nan̰e!

Gwale dɨma dara mani nə mə gɨrsɨ di ha tɨn̰ənin bɨrmə dara ɗara sitɨ gɨ ɗang.