Illustrations sur ce site par Jim Padgett, © 1984 Sweet Publishing, Ft Worth TX, and Gospel Light, Ventura CA.
Maktubu dɨ ka dwar̰ɨ
Luk da, i woni gɨrsə gwale gɨnə Jesu duwanə mwaj dii sɨr di gun day bədə me, an̰ji i Juwib bədə me ca. Me an̰ji basɨ paja gɨnə Jesu duwa gɨ Pol harbɨ gandɨw mɨjəni duwa lə me, waw lə àla gɨ giyə duwa lə me ca. I Luk di me, jangɨ maktubu dɨ nə ꞌwogɨdɨ nin «Mani nə àla nənə paja nənə Jesu duwa day» me ca.
An̰ji kan̰ja maana dɨnə Jesu duwa gɨndɨdɨ naa do me, jangɨ nɨm dodə sɨn̰. An̰ji gɨl dara Jesu ba i Dole gɨ Mãr̰ĩ biyəw gɨ Kris di, ba gɨra sɨn̰a dɨdə ka dara kɨdə gɨ nare nə gɨndəgɨ jiga jiga pad daa àcn̰a lə. An̰ji way gwale nan̰ dara Jesu ba i gun gaba dwani gaba yara nare n̰agɨni day ya woni mwom me nə bugɨr me namde me de.
An̰ji diy maktubu duwa dɨ ka di gɨndɨdɨ kɨbɨ i gwale gɨnə yàa gɨnə Jã gaba àlagɨ́ nare batem duwa me, yàa gɨnə Jesu duwa me ca (Luk 1–2). An̰ji way ba, Jã ba àlɨ́w Jesu batem di i man mo, me Sidan ba gɨrsə Jesu i man dara àsàw àla gɨ àcn̰a lə me mo (3.1–4.13)? An̰ji way dara Jesu gɨlə duwa gɨ mani me giyə duwa gɨ àlɨw me mana gɨ wama gɨ Galileyə (4.14–9.50). An̰ji way dara mɨjəni dɨnə Jesu duwa dɨ an̰ji swaa wama gɨ Galileyə bɨraa hára nɨm ciri dɨ Jursalem. Jesu hára duwa gɨ mɨjəniyə da, an̰ji gɨlgɨ nare mani nan̰ dɨrəw daa (9.51–19.27).
Maktubu ꞌyan̰a dɨra lə da, an̰ji kɨbɨ mani nə àl Jesu mana gɨ ciri dɨ Jursalemmə, ba gɨ ɓengɨw ɓabɨr̰ɨw daa habda gɨ dagɨla sɨwwə me, gɨ ꞌyəw nɨm. Ɨr̰ɨ Mãr̰ĩ dɨməw daa nare nə mare dwar̰agɨ lə, me an̰ji so yá daa dama Abəw gɨ Mãr̰ĩ tulɨwwə (Luk 19–24).
